لكن أنا رفضت

أنا عمرى 22 سنة، معايا دبلوم ومتجوزة، وأنا غير مختنة، لأنهم لما ختنوا أختى كنت أنا صغيرة شوية، وكمان أنا جريت منهم وقالوا خليها للسنة الجاية، الحمد لله حضرت أنا وأمى وأختى ندوة فى الكنيسة عن الختان، وأمى إقتنعت بعدم ختانى فعلا ماتختنتش، لكن الأهل والجيران قالوا لها لازم تختنى بنتك إنتى هتسيبيها كدة؟ وكانت أمى عاوزة تسمع كلام الناس لكن أنا رفضت، وأختى وقفت جنبى لغاية ما اقتنعت أمى بعدم طهارتى. وأنا دلوقتى متجوزة ومبسوطة فى حياتى مع جوزى وكمان أنا حامل.